ကုန်လွန်ခဲ့သည့် ရာစုနှစ် ပထမ ထက်ဝက်မှာတင် ဥရောပတိုက်သား အချင်းချင်း ကမ္ဘာ့စစ်ပွဲနှစ်ပွဲကို ဆင်နွှဲခဲ့ ကြခြင်းကြောင့် ကမ္ဘာ့နိုင်ငံရေး ဗဟိုချက်ချာ အခန်းကဏ္ဍမှ လက်လွတ်ဆုံးရှုံးခဲ့ကြတယ်။ ရာစု နှစ်ရဲ့ ဒုတိယ ထက်ဝက်ပိုင်းအရောက်တွင် အမျှော်အမြင်ကြီးလှသည့် ခေါင်းဆောင်ပိုင်းတွေကြောင့် အငြိုးအတေး အာဃာတတွေကို နောက်ချန်ထားရစ်ခဲ့ကြပြီး တဖြည်းဖြည်းနဲ့ ဥရောပ သမဂ္ဂအဖွဲ့အ
စည်းကို တည်ဆောက်ယူနိုင်ခဲ့ကြတယ်။ ပြင်သစ်နဲ့ ဂျာမဏီ နှစ်နိုင်ငံတို့ကြား အပြန်အလှန်စစ်မက်ခင်း ဖို့ရာဖြစ်နိုင်ချေ အလားအလာမရှိဘူးဆိုသည့် တွေးတောစဉ်းစားချက်နှင့် ကမ္ဘာ့နိုင်ငံရေးတွင် soft ပါဝါ
အခန်းကဏ္ဍ အရေးပါအရာရောက်လာသလို ဥရောပ စွမ်းဆောင်ရည်နှင့် ဆွဲဆောင်နိုင်မှုတို့ကြောင့် စု စည်းကြီးထွားလာပြီး ဥရောပသမဂ္ဂလည်း ဖွံ့ဖြိုးတိုးတက်လာခဲ့သည်။ ကံမကောင်းအကြောင်းမလှ
သည်ကတော့ သမိုင်းကာလမှာ တန်ခိုးထွားအင်အားကြီးအောင်မြင်မှုတွေဟာ ခုနေအခါမှာတော့ ပုစ္ဆာသဖွယ်ဖြစ်ကျန်နေလေရဲ့ ။
ဘတ်ဂျက်လိုငွေပြမှုနှင့် တင်ကျန်နေသည့် အကြွေးတွေပြန်လည်ပေးဆပ်နိုင်ဖို့ရာအတွက် ကြိုးပမ်း
အားထုတ်ရင်း ၂၀၁၀ မေလ ဂရိနိုင်ငံတွင် ဘဏ္ဍရေးဈေးကွက် ပျက်ပြားမှုတွေနဲ့ ရင်ဆိုင်ကြုံတွေ့ခဲ့ရ
သည်။ ဥရောပနိုင်ငံအတွင်းမှ အဖွဲ့ဝင် ၁၆ နိုင်ငံတွေဖြစ်သည့် ပေါ်တူဂီ၊ စပိန် အစရှိသည့် နိုင်ငံတွေမှ
သည် တခြားသော နိုင်ငံတွေဆီသို့ စတင်ကူးစက်ပျံ့ နှံ့လာမှာကို ထိပ်လန့်ကြောက်ရွံ့ လာခဲ့ကြသည်။
ရင်ဆိုင်ကြုံတွေ့နေရသည့် ဘဏ္ဍရေး မုန်တိုင်းဆင်တိုက်ခတ်ခြင်း တည်ငြိမ်သွားဖို့ရာအတွက် ဥရောပ
တိုက်အတွင်းရှိ အစိုးရတွေသည် ဥရောပ ဗဟိုဘဏ်နှင့် နိုင်ငံတကာ ငွေကြေးရံပုံငွေအဖွဲ့အစည်းသို့
ဒေါ်လာ ဘီလီယံ ၇၀၀ အဆောတလျင် ထောက်ပံ့ကူညီမှုပေးရန် တုန့်ပြန်မှုတွေ စ်ီစဉ်တကျ လုပ်
ဆောင်ခဲ့ကြသည်။ အရေးပေါ်ကူညီထောက်ပံ့မှုတွေဖြင့် ယာယီကုစားနိုင်သော်ငြား ဘဏ္ဍာရေးဆိုင်ရာ
ဈေးကွက်ကို ကြံ့ကြံ့ခံရင်ဆိုင်ဖြေရှင်းနိုင်ဖို့ဆိုတာကတော့ သေချာရေရာခြင်းမရှိလှပါဘူး။ အီးယူ ကျဆုံးခြင်းသည် ငွေကြေးဆိုင်ရာ ဆုံးရှုံးမှုကြီးသက်သက်မဟုတ်ပဲ အီးယူပါ ကျဆုံးမည်ဖြစ်ကြောင်း၊
ပြီးခဲ့သည့် လ ဂျာမဏီ အဓိပတိ အန်ဂျယ်လာ မာကဲလ် ထုတ်ပြန်ကြေငြာသွားခဲ့သည်။ ငွေကြေးဆိုင်
ရာ ပေါင်းစည်းမှုသည် အကန့်အသတ်အနေဖြင့်သာ ရှိနေခဲ့သည့်အတွက် ဥရောပ သမဂ္ဂအနေဖြင့် မ လွှဲမသွေ အကန့်အသတ်တွေနှင့် ရင်ဆိုင်ကြုံတွေ့လာရနိုင်ဖွယ်ရှိသည်။ ဥရောပ သမဂ္ဂ အမှတ်အသား သရုပ်ထက်စာရင် အမျိုးသားရေးဆိုင်ရာ ၀ိသေသတွေက ပိုပြီးချွန်မြနေသော်ငြား အမျိုးသား အကျိုးစီး ပွားအတွက် အတိတ်ကာလ ယှဉ်ပြိုင်မှုတွေကို မေ့ပျောက်ချိုးနှိမ်ပြီး ဆယ်စုနှစ် ခြောက်ခုတာကာလထိ ပေါင်းစပ်စုစည်းထားနိုင်ခဲ့ကြသည်။
ဥရောပတိုက်အတွင်းရှိ နိုင်ငံအားလုံး တစုတဝေးတည်း ပေါင်းစပ်စုစည်းပြီး.ခိုင်မာတောင့်တင်းသည့်
ဥရောပ ဖက်ဒရယ် ပြည်ထောင်စု တည်ဆောက်ယူနိုင်မှာဖြစ်သည်။ မူဝါဒဆိုင်ရာ အပြောင်းအလဲ
အဖြစ် ဥရောပ တရားဥပဒေခုံရုံးမှာ အဖွဲ့ ၀င်နိုင်ငံအဖြစ် လက်ခံပြီး တရားဝင် ပေါင်းစပ်စုစည်းခြင်းဖြင့် အင်အားတောင့်တင်းခိုင်မာလာမှာဖြစ်သည်။ တရားစီရင်ရေးနှင့် အုပ်ချုပ်ရေးဆိုင်ရာ ကဏ္ဍတွေမှာ
တသားတည်းပေါင်းစည်းဖို့ရာအတွက်တော့ နှောင့်နှေးကြန့်ကြာနေသည့်တိုင် အခရာကျသည့် နိုင်ငံ
ခြား ဆက်ဆံရေးတွေမှာ ဥရောပအနေဖြင့် ခေါင်း ဆောင်တဦးကို ပုံဖော်ဖန်တီးတည်ဆောက်နေစဉ်
ကာလတွေမှာ နိုင်ငံခြားရေးရာနှင့် ကာကွယ်ရေးဆိုင်ရာ မူဝါဒတွေ တသားတည်း ပေါင်းစည်းနိုင်ရေး
ကိစ္စတွေမှာတော့ ခြွင်းချက်အနေဖြင့် ကြွင်းကျန်နေတုန်းပါပဲ။ ဆယ်စုနှစ်တာကာလ အများစုမှာ ဥရော
ပ အနေဖြင့် အလွန်အကျွံ အကောင်းမြင်ဝါဒနှင့် အဆိုးမြင်ဝါဒကြားမှ လမ်းကြောင်းတခုဆီသို့ ခုနေကာ
လများမှာ ရွေးချယ်လျှောက်လှမ်းနိုင်ပြီဖြစ်သည်။ အီးယူအနေဖြင့် ၂၀၀၇ ခုနှစ် ဒီဇင်ဘာလ ၁၃ ရက်နေ့တွင် သဘောတူလက်မှတ်ရေးထိုးခဲ့သည့် Lisbon သဘောတူညီချက်ကြောင့် (ကနဦးကာ
လတွေများမှာ ပြန်လည်ပြုပြင်ရေးဆိုင်ရာ သဘောတူညီချက်အဖြစ် လူသိများထင်ရှား) ကမ္ဘာ့နိုင်ငံရေး
ဇာတ်ခုံမှာ ဇာတ်ဆောင်တဦးအဖြစ်သို့ ရောက်ရှိအောင် ပို့ဆောင်ပေးခဲ့ခြင်းဖြစ်သည်။ အမေရိကန်နှင့် အင်အားကြီး စူပါပါဝါအဖြစ်သို့ တက်လှမ်းလာသည့် တရုတ်နိုင်ငံတို့ကြောင့် အသစ်ဖြစ်ထွန်းထွက်ပေါ်
လာသည့် ကမ္ဘာ့ပထ၀ီ နိုင်ငံရေး အစီအစဉ်သစ်တွင် ဥရောပ အနေဖြင့် လွှမ်းမိုးကြီးစိုးဖို့ရာ အခွင့်သာ
နိုင်ဖွယ်မရှိချေ။ ၂၀၀၉ ခုနှစ် ဒီဇင်ဘာ ၁၈ ရက်နေ့တွင် ကျင်းပခဲ့သည့် ကိုပေဟေဂင် သဘောတူညီ
ချက်ဆိုင်ရာ အစည်းအဝေးတွင် အမေရိကန်နှင့် တရုတ် ဦးစီးကျင်းပခဲ့ကြပြီး အိန္ဒိယ၊ ဘရာဇီးနှင့် တောင်အာဖရိကမှ ခေါင်းဆောင်တွေကို ဖိတ်ကြားခဲ့သော်ငြား ဥရောပ ပါဝင်ခြင်းမရှိခဲ့ပါ။ များမကြာမီ
လတ်တလော ရင်ဆိုင်ကြုံတွေ့ခဲ့ရသည့် ဘဏ္ဍရေးဆိုင်ရာ အကျပ်အတည်းတွင် ဥရောပဇုံအတွင်း ငွေ
ကြေးဆိုင်ရာ ပေါင်းစည်းခြင်း အကန့်အသတ်တွေကြောင့် ထွက်ပေါ်လာသည့်ဖြစ်စဉ်တွေကြောင့် အနာဂတ် အီးယူ အခန်းကဏ္ဍအတွက် မေးခွန်းထုတ်စရာဖြစ်လာခဲ့တယ်။
အီးယူ အနာဂတ်က ဘာလဲ။ နေရာတိုင်းလိုလိုမှာ ဥရောပ တခေတ်ကုန်ဆုံးခြင်းနဲ့ တချို့သောအ
ကြောင်းချင်းရပ်တွေဟာဖြင့် ဥရောပ အနာဂတ်ကို ၀န်ပိစေနိုင်သည်ဆိုတဲ့ စကားသံတွေကို ကြား
နိုင်ဖွယ်ရှိတယ်လို့ စီးပွားရေး ပညာရှင်တွေ ထုတ်နှုတ်ဖော်ပြထားတယ်။ ၁၉၉၀ ပြည့်နှစ်တွေမှာ
ဥရောပ အနေဖြင့် ကမ္ဘာ့လူဦးရေ လေးပုံတပုံကို တာဝန်ယူထားနိုင်ခဲ့တယ်။ လာမည့် ၂၀၆၀ ခုနှစ်
တွင် ၆ ရာခိုင်နှုန်းလောက်ကိုသာ တာဝန်ယူနိုင်မှာဖြစ်ခြင်းနှင့် ဒီအထဲကမှ သုံးပုံတပုံနီးပါးဟာ အ
သက်ပိုင်းအားဖြင့် ၆၅ နှစ်အထက်ရှိသူတွေသာလျှင်ဖြစ်တယ်။ ဥရောပ အနေဖြင့် ဆိုးရွားသည့် ဖွား
သေနှုန်းဆိုင်ရာ ပြဿနာရပ်တွေကို ရင်ဆိုင်ကြုံတွေ့လာရနိုင်ဖွယ်ရှိသော်ငြားလည်း ပါဝါနှင့် လူဦးရေ
ဆိုင်ရာ အချိုးအစား အပြန်အလှန်ဆက်စပ်မှု သိပ်မရှိခြင်းနှင့် သမိုင်းကာလတလျှောက်လုံးဆိသလို
ဥရောပ ကျဆုံးခန်းဆိုသည့် မှန်းဆချက်တွေ ထွက်ပေါ်ခဲ့ခြင်းဖြစ်တယ်။
၁၉၈၀ ပြည့်လွန်နှစ်တွေမှာ သဘောထားတင်းမားခြင်းနှင့် ကျဆုံးပျက်ဆီးခြင်းတွေရှိခဲ့သည့်တိုင် ဆယ်
စုနှစ်တွေအတွင်းမှာပင် ကြီးမားသည့် ဖွံ့ဖြိုးတိုးတက်မှုနှင့် အဖွဲ့စည်းဆိုင်ရာ ပေါင်းစပ်တိုးတက်မှုတွေရ
ရှိခဲ့တယ်လို့ အကဲဖြတ်တွေ သုံးသပ်ကောက်ချက်ချခဲ့ကြတယ်။ အဖွဲ့အစည်းအတော်များများ ယိုယွင်း
အားနည်းချက်ကြောင့် ပျက်စီးခြင်းဆိုက်ရောက်ခြင်းအပေါ် ဥရောပရဲ့ ပါဝါကိုခွဲဝေသုံးစွဲခြင်း၊ အများသ သဘောညီ လက်ခံထားရှိချက်တွေအပေါ် လိုက်လျောညီထွေမှုရှိစွာ ကျင့်သုံးခြင်းနှင့် ပဋိပက္ခဆိုင်ရာ ပြဿနာရပ်တွေကို ပြန်လည်ဖြေရှင်းခြင်း အစရှိသည့် နည်းနာများဖြင့်ချဉ်းကပ်လုပ်ဆောင်သည့်အ
တွက် အပြန်အလှန် အမှီသဟဲပြုနေရသည့် ကမ္ဘာလောကအတွင်း ကွန်ယက်သဖွယ်ဆက်စပ်နေသည့် ပြဿနာရပ်တွေ လျော့ပါးလာတယ်။ သမရိုးကျ မဟုတ်သည့် အတွေးအခေါ်အယူအဆတွေနဲ့ ဥရောပ
ဖြတ်သန်းကျော်လွှားနိုင်ခဲ့ကြောင်း ဥရောပ သမဂ္ဂ နိုင်ငံခြား ဆက်ဆံရေး ညွှန်ကြားရေးမှူး မာက့်ခ် လီယိုနတ် ပြောဆိုသွားခဲ့တယ်။ အနာဂတ်ကို မှန်းဆတွက်ချက်ရာတွင် အားနည်းချို့ယွင်းခြင်း၊ ရှေးရိုး ဥပဒေသ လုပ်ထုံးလုပ်နည်းဘောင်အတွင်းမှ မရုန်းထွက်နိုင်ခြင်း၊ စစ်ရေး ပါဝါနှင့် သက်ဆိုင်သည့် အစီ အမံများတွင် လိုလားနှစ်သက်မှု အလျဉ်းမရှိခြင်းနှင့် အရပ်ရပ် စီးပွားရေး ယိုယွင်းချွတ်ခြုံကျခြင်း အစရှိ
သည့် ၀ိသေသ လက္ခဏာရပ်တွေဖြင့် ချိန်ထိုးနှိုင်းဆကြည့်သော် အရင်းခံပြဿနာရပ်သည်ကား ဥရောပ မဟုတ်ဘဲ ပါဝါ အပေါ်လက်ခံနားလည်ထားသည့် ရှေးရိုးစွဲအတွေးအခေါ်ရပ်တွေကြောင့်သာ
လျင်ဖြစ်သည်။
ဥရောပ နိုင်ငံတွေရဲ့သီးခြားဝိသေသ သဘောဆောင်ခြင်းနှင့် စုစည်းသည့်အသွင်သဏ္ဍာန်ရှိခြင်းတို့
သည် hard ပါဝါမှ soft ပါဝါသို့ ကူးပြောင်းပြီး ကမ္ဘာတ၀ှမ်းသို့ ပျံ့နှံ့လွှမ်းမိုးရာတွင် အမေရိကန်ထက်စာ လျင်ပိုမို စွမ်းဆောင်နိုင်ကြောင်း အမေရိကန် နိုင်ငံရေး သိပ္ပံပညာရှင် အင်ဒရူး မိုရက်ဆစ် ကောက်ချက်
ချသုံးသပ်ထားတယ်။ ၁၉ ရာစုနှစ်တွင်းဖြစ်ပွားခဲ့ခြင်းအပေါ် အခြေပြုတည်ဆောက်ထားသည့် သူ့ရဲ့အ
ဆိုးမြင် ရှေ့ဖြစ်ဟောတွင် ပါဝါနှင့် ပတ်သက်ဆက်နွယ်နေသည့် ကမ္ဘာ့သံယံဇာတ ရင်း မြစ်အားလုံးကို ခွဲတမ်းချရာတွင် တိုင်းပြည်အများစုသည် သူနိုင်ကိုယ်ရှုံး ယှဉ်ပြိုင်မှုတွေမှ ရုန်းထွက်နိုင်ခြင်းမရှိကြောင်း
ကောက်ချက်ချသုံးသပ်ထားသည်။ ဒါတင်မက စစ်ရေးအသုံးစရိတ် ၅ ရာခိုင်နှုန်းရှိသည့် တရုတ်၊ ၃ ရာ ခိုင်နှုန်းရှိသည့် ရုရှ၊ ၂ ရာခိုင်နှုန်းရှိသည့် အိန္ဒိယနှင့် ၁.၅ ရာခိုင်နှုန်းသာရှိသည့် ဘရာဇီးတို့နှင့် ယှဉ်ပြီး စစ်ရေးအသုံးစရိတ် ၂၁ ရာခိုင်နှုန်းရှိသည့် ဥရောပသည် စစ်ရေးပါဝါတွင် ကမ္ဘာ့ဒုတိယအဆင့်နေရာ
တွင်ရှိနေကြောင်း ထောက်ပြပြောဆိုခဲ့သည်။ ဥရောပ သမဂ္ဂ အဖွဲ့ဝင်နိုင်ငံတွေထဲမှ ထောင်ပေါင်းများ
စွာသော စစ်သည်တွေသည် မိခင်တိုင်းပြည်ပြင်ပဖြစ်သည့် ဆီးရီးယား လီယွန်၊ ကွန်ဂို၊ အိုင်ဗရီကို့စ်၊
ချက်ဒ်၊ လက်ဘနွန်နှင့် အာဖဂန်နစ္စတန်နိုင်ငံတို့တွင် စစ်ရေးတာဝန်ထမ်းဆောင်နေကြသည်။ စီးပွား
ရေး ပါဝါတွင်လည်း ဥရောပသည် ကမ္ဘာ့အကြီးမားဆုံးဈေးကွက်ဖြစ်ခြင်းနှင့် ကမ္ဘာ့ကုန်သွယ်မှု ၁၇ ရာ
ခိုင်နှုန်းကိုချူပ်ကိုင်ထားနိုင်ခြင်းတို့သည် ၁၂ ရာခိုင်နှုန်းသာ ကိုယ်စားပြုသော အမေရိကန်ပြည်ထောင်
စုနှင့် ချိန်ထိုးကြည့်ဖို့ဖြစ်သလို ကမ္ဘာတ၀ှမ်းရှိ နိုင်ငံခြားတိုင်းပြည်များသို့ ထောက်ပံ့ရေးအကူအညီ ထက်ဝက်နီးပါးပေးနေသော ဥရောပနှင့် ၂၀ ရာခိုင်နှုန်းသာ ထောက်ပံ့ကူညီမှုပြုနိုင်သော အမေရိကန်
တို့ကို ချိန်ထိုးနှိုင်းဆကြည့်ဖို့ဖြစ်တယ်။ ဒီဖြစ်နိုင်ချေ စွမ်းပကားအားလုံး အရာမထင်နိုင်ဘူးဆိုတာ သေ
ချာရေရာခြင်းမရှိသော်ငြား ဥရောပအနေနဲ့ အခရာကျလှသည့် ဘဏ္ဍာရေးဆိုင်ရာ ပြဿနာရပ်ကို အဆောတလျင် ဖြေရှင်းခြင်းမပြုလျင် ယုံကြည်မှုတွေပြိုလဲပျက်စီးမှာ ဧကန်မလွဲပဲ။ ဥရောပ အတွေ့အ
ကြုံနဲ့ ဒီပြဿနာရပ်တွေကို အောင်မြင်စွာ ဖြတ်ကျော်နိုင်မယ်လို့ မျှော်လင့်နေကြလေရဲ့။
Reference: The Future of Europe
The Korean Times
June 14, 2010
Joseph S. Nye
Read more...
